Hautatu hizkuntza
Frantzia, 66 min
Zuzendaria: Cadot Pierre
EUSKADI MAILAKO ESTREINALDIA
Hogei urtetik gora daramatza Vivian Bruchez-ek helburu bakar bati eutsita: Alpeetako 4.000 metro baino gehiagoko 82 gailurrak eskiatzea. Pazientziak, konpromisoak, lagunek eta mendiekin bizitza osoan izan duen harremanak bultzatu dute hartara. Baina proiektua amaierara hurbiltzen den heinean, zerbait kolokan jarriko da. Amaitzeko nahiaren eta erronka osatzeko premiaren eraginez, ustez argi zeuzkan mugak lausotuko zaizkio Viviani.
Suedia, 12 min
Zuzendaria: Marco Tribelhorn
ESTATU MAILAKO ESTREINALDIA
Behe-lainoak hartutako martxoko arratsalde bat, Norvegian. Jacob Wester freeskierra elur-jausi bat eragin eta amildegi batetik behera eroriko da. 75 segundoz hil ala bizi borrokatuko du elur-masa basati baten barruan, eta bitartean, bere emaztea Sofia mendi oinean dago, zain, isilik. Elur-jausi baten barruan bizitako kaosaren, beldurraren eta itxaropenaren kontakizuna da '75 Seconds'.
Norvegia, 80 min
Zuzendaria: Asgeir Helgestad
EUSKADI MAILAKO ESTREINALDIA
Asgeir Helgestad zinemagileak bere jaioterriko, Norvegiako, naturaren egoera dokumentatzen du, bizitza osoa hura argazkitan jasotzen eman ondoren. Bere baserriko erleen bizimodua, goi-mendietako elur-oreinak, itsasertzeko lanperna-musuen koloniak… mehatxupean dagoen naturaren edertasuna erakusten du, hari eragiten dieten giza jardueren arrastoak jarraituz. Gizakiok gainerako izaki bizidunekin dugun konexioari buruzko istorio pertsonala da, baita naturaren indarra eta, aldi berean, haren zaurgarritasuna gogorarazten digun kontakizuna ere.
Austria, 43 min
Zuzendaria: Jakob Schweighofer
ESTATU MAILAKO ESTREINALDIA
Ilse eta Fritz Priesnerren istorio aparta: ia 60 urte daramatzate elkarrekin, ohiko gizarte-arauetatik urrun bide egiten. 1980ko hamarkada hasieran, Austria Garaiko Mühlviertel eskualdea utzi eta hiru seme txikiekin Indiara abiatu ziren. Bidaia abenturaz beteriko jostaleku bihurtu zen haientzat. Gaur egun, adinean sartuta egonik ere, Ilsek eta Fritzek bizitza beren moldera eraikitzen jarraitzen dute. Filma, askatasunari, ausardiari eta geldirik egon baino bixi bizi nahi izan duen bikote bati eskainitako maitasun gutuna da.
Espainia, 24 min
Zuzendaria: Aner Etxebarria, Pablo Vidal
1955ean, Orson Wellesek, egurrezko paletekin eta sareekin usoak harrapatzeko ehizak liluratuta, The Land of Basques dokumentala zuzendu zuen. Gaur egun, Nafarroa eta Lapurdi arteko mugan dagoen borda batean, Gerardo Damboriena Etxalarko azken usazale belaunaldiaren buruak, euskaraz, 700 urte baino gehiago dituen tradizio honen sekretuak erakusten dizkigu, desagertzeko zorian dagoen langintza. Ingelesak euskaratik ikasten du Gerardo Damborienak eta Orson Wellesek kontatutako istorio honetan.
Hego Korea, 48 min
Zuzendaria: Kim Youngmi, Kim Jeeyoung
EUSKADI MAILAKO ESTREINALDIA
Kim Youngmi Antartika bakarka zeharkatu duten pertsonen artean laugarrena da, eta bide batez, asiar batek burututako lehen zeharkaldia da berea. 70 egunez, erabateko bakardadean ibili zen, jan, lo eta lerari tiraka. Hala ere, bakarka ezer ez dela lortzen dio, beste askoren otoitzek eta animoek lagundu ziotela 1.786 kilometroko ibilbidea osatzen. Filmak hamar urte baino gehiagotan prestatutako espedizio baten kronika jasotzen du, eta urrats soil bat emateko beharrezkoa den ausardiaz hausnartzen du.
Espainia, 67 min
Zuzendaria: Oihane Ruiz Menéndez
NAZIOARTEKO ESTREINALDIA
“Egurra etorkizuneko materiala da”. Hipotesi horretatik abiatuta, Oihane Ruiz arkitektoak eta Ane Barrutia paisajistak, Euskadin egurraren zikloa zein den aztertuko dute, basotik hasi eta industriaraino. Premiazko galdera bati erantzunak bilatzea da helburua: zer baso utziko diegu etorkizuneko belaunaldiei? Krisian dagoen eredu baten aurrean, teknikari, langile, ikertzaile eta aktibistak elkarrizketatuko dituzte, errotzea, memoria eta paisaia bizitzeko beste modu batzuk irudikatzeko premiaren arteko hausnarketa iradokiz.
Belgika, 35 min
Zuzendaria: Léopold Le Grelle
EUSKADI MAILAKO ESTREINALDIA
Wingsuit modernoaren bilakaera, kirol honetako bederatzi aitzindari eta atleta eraginkorrenen istorioen bidez. Belaunaldi eta jatorri askotarikoak daude ordezkatuta 'Birdlife' dokumentalean.
Frantzia, 33 min
Zuzendaria: Guillaume Broust
2024ko otsailean, Patagonian, Lise Billon, Fanny Schmutz eta Maud Vanpoullek Cerro Torreren Hego-ekialdeko ertzaren lehen emakumezko igoera osatu zuten, garai batean ‘Konpresorearen bidea’ izenez ezagutzen zenetik. Balentria atletikotik eta zailtasun teknikotik harago, filmak goi-mailako hiru alpinista eta lagunen bidaia pertsonala erakusten du. Umorearen eta gogoetaren artean, oraindik ere neurri handi batean gizonek menderatutako kirol batean emakumeek duten lekua aztertzen dute.
Espainia, 43 min
Zuzendaria: Aitor Intxaurraga Arana
NAZIOARTEKO ESTREINALDIA
Bidaia dokumental bat, Gorbeiako Parke Naturaleko 1.000 metrotik gorako 50 tontorretan egindako zeharkaldi luze eta zorrotz bat kontatzen duena, eta erronka fisikoa lurraldearen memoriarekin lotzen duena.
Espainia, 6 min
Zuzendaria: Jordi Meste Lopez
EUSKADI MAILAKO ESTREINALDIA
Musika, dantza bertikala eta ikus entzunezko sorkuntza batzen dituen proiektu artistiko kolaboratiboa, planetako glaziar zaurgarrienetako batzuetan sortu eta gorpuztua. Obra hau eraikitzeko, Kataluniako, Patagoniako eta Ekuadorreko Andeetako artista zenbait elkarrekin aritu dira izotzarekin eta haren hauskortasunarekin lan eginez. Glaziarren atzeraldi bizkorraren inguruko kezkak partekatzen dituzten munduko eskualde desberdinetako gorputzak, ahotsak eta soinuak erakusten ditu proiektu honek.
Kanada, 24 min
Zuzendaria: Trixie Pacis
EUSKADI MAILAKO ESTREINALDIA
2024ko uztailaren 24an, sute handi batek Jasper herria (Alberta-Kanada) suntsitu zuen, eta Sasha Galitzki aire-akrobataren etxea erraustu zuen. Sashak sutean jasandako galeraren eta bere sormen-lanean urteetan zehar behatu izan dituen glaziarren atzerakadaren artean lotura egiten du Embers filmak, bi fenomenoen atzean dagoen kausa berean jarriz azpimarra: klima-aldaketa.
Kanada, 10 min
Zuzendaria: Angela Percival
ESTATU MAILAKO ESTREINALDIA
Soka-lagun izatea, eskalada pasarte zailenei elkarrekin aurre egiteko modu bat baino askoz gehiago da, eta hala erakusten dute Ines Papert eta Sarah Huenekin alpinista ospetsuek. Ametsetako gailurrera 50 urteak gainditutakoan iritsi dira, eskalatzen jarraitzen baitute: sekula baino gehiago estutuko dituzte beren ahalmenak, eta norbere burua bezala, elkar ere hobeto ezagutuko dute kidetza horretan.
Norvegia, 94 min
Zuzendaria: Asgeir Helgestad
ESTATU MAILAKO ESTREINALDIA
Hamarkada bat baino gehiagoz, Svalbarden, planetan azkarren berotzen ari den lekuan, Asgeir Helgestad zinemagilea Frost izeneko hartz polar baten bizimodu apartaren lekuko izan da: ama da Frost, eta bere kumeak hazteko borrokan ari da, etengabe aldatzen ari den Artikoan. Bidaia intimo horrek behatzaile izatetik istorio-kontalari izatera eramango du Helgestad, naturarekin bat egiteko grinak eta klima-aldaketak ekosistema hauskor honetan dituen ondorio suntsitzaileak agerian uzteko nahiak bultzatuta.
Ameriketako Estatu Batuak, 13 min
Zuzendaria: Tahria Sheather
ESTATU MAILAKO ESTREINALDIA
Ezagutu dezagun Lindsey Hamm: Texasko “ardi beltza”, 25 urterekin mendiko gidari izateko bokazioa aurkitu eta ordutik bere ibilbide profesionala besteren ametsak gorpuztera bideratu duena. Katie Lambert eskalatzaile ospetsuarekin, bere mentore eta lagunik minena, Yosemitera abiatuko da harentzat eskalada libreko lehen proiektua izango dena gauzatzera: Dream Team. Igoera hau ez da historiara pasatzeko saiakera bat, norbere adierazpen bideen eta identitatearen bilaketa bat baizik.
Espainia, 45 min
Zuzendaria: Jerónimo López
EUSKADI MAILAKO ESTREINALDIA
Jerónimo López Manasluko bailarara itzuli da, duela 50 urte bisitatu zuen lekura. Orduan, espainiarrek igo zuten lehen zortzimilakora egindako espedizioan parte hartu zuen. 1970eko hamarkadako espedizio haien eta 2025ean egindakoaren arteko konparazioak Himalaiako alpinismoan izandako aldaketei buruz hausnartzeko aukera ematen du. Carlos Suárezen oroimenari eskainitako dokumentalak naturaren handitasuna erakusten du, Himalaiako berezitasun geologiko eta ekologikoei buruzko azalpenekin batera. Era berean, klima-aldaketaren ondorioak eta horrekin lotutako arriskuak ere jorratzen ditu.
Norvegia, 93 min
Zuzendaria: Barbora Hollan
ESTATU MAILAKO ESTREINALDIA
Mariann Sæther (42) munduko ur bizietako kayakista onenetakoa da. Nerabea zenetik, gizartearen arau eta espektatiba askori egin die aurre. Ama bihurtzean, muturreko kiroletako atleta izan eta familia edukitzea bateragarriak direla erakutsi nahi du. Baina ibaiko bizimoduak dakarren arriskuak merezi al du? ‘I Follow Rivers’ bizitzari, heriotzari eta oreka aurkitzeari buruzko filma da, Mariannen bizipen eta nortasunean oinarritua.
Frantzia, 33 min
Zuzendaria: Davina & Sébastien Montaz-Rosset
NAZIOARTEKO ESTREINALDIA
Istorio bakarra, bi patu. Pianista eta biolontxelo-jotzaile bikaina, Arthurrek kontzertu-aretoak atzean utzi eta horma handien eta mendi garaienen bertigoa aukeratu zuen, eskaladaren eta alpinismo modernoaren mugak etengabe zabalduz. Alexandre anaia bikiak, eskalatzaile trebea bera ere, Parisen jarraitu zuen, eta denborarekin bien bideak gero eta gehiago urrundu ziren. Harik eta amets zoro samar batek berriro elkartu zituen arte: mendi enblematiko batera elkarrekin igotzea eta han biolontxeloak jotzea.
Espainia, 49 min
Zuzendaria: Euskal Mendi Museoa. Digitalización: Euskadiko Filmategia - Filmoteca Vasca. Donada por: Josema Casimiro. Introducción: Antxon Iturriza. Montaje: Alberto Cáceres.
1962an, Lionel Terray buru zuen espedizio frantses batek, Alpeetako gida ospetsuz osatutakoa, lehen igoera lortu zuen Jannun (7.710 m). Himalaiako mendilerro osoko bide ikusgarrien eta zorrotzenetako bat zen hura. Eskalatzaileak amildegiaren gaineko ertz estu batean zaldizko eran aurrera egiten erakusten zituzten irudiek oihartzun handia izan zuten mendi munduan. Irudi haien edertasunak liluratuta, lagun talde batek, Iñaki Aldaya, Xabier Garaioa, Mari Abrego, Josema Casimiro, Javier Muro eta Patxi Senosiain buru zituela, Kathmandu utzi zuen 1981eko udaberrian Jannu edo Kumbhakarna mendirantz abiatzeko.
Espainia, 30 min
Zuzendaria: Joxe Ramon Agirre
NAZIOARTEKO ESTREINALDIA
Alpinista talde bat espedizio epiko batean murgilduko da Karakorumen Trangoko hormen gainetik hegan egin eta K2 menditzarrera iristeko ametsarekin. Abenturaz harago, esperientzia sakonak bizituko dituzte tokiko biztanleekin. Baltistango Arandu izeneko herri txikian, agure batek otoitzak dituen oihalezko eskapulario bat emango dio Mattin Iñiguezi. Gailurren gainera eramateko eskatuko dio, mendiek emandako babes eta energiaren indarrez herrira itzuli daitezen berriro.
Japonia, 89 min
Zuzendaria: Moe Wada
NAZIOARTEKO ESTREINALDIA
2024ko uztailean, bi mendizale japoniar K2 mendian zendu ziren, munduko bigarren gailurrik altuenean. Kazuya Hiraide eta Kenro Nakajima munduko alpinistarik onenetakoak ziren. K2ren mendebaldeko aurpegian aukeratutako bidea, artean beste inork igo gabea, mendi horretako erronkarik zailenetakoa da. Ur handitan nahastuko dira bizitzaren zentzuari buruzko galdera sakonak piztuz: familiarekiko maitasuna batetik, eta eskaladarekiko duten pasioa bestetik, etxekoen mira batetik, eta den-dena ematea eskatzen duen eskalada-modu arriskutsua bestetik.
Espainia, 9 min
Zuzendaria: Ignasi López Fàbregas
EUSKADI MAILAKO ESTREINALDIA
Haran bakarti baten erdian, belardi berdez eta ibaiez inguratuta, elur eta harkaitzezko mendi erraldoi bat altxatzen da. Han, Lord Cliffrider abenturazaleak bere ametsetako mendiaren gailurra zapaltzen lehena izatea du helburu. Baina denborak aurrera egin ahala, amets hori desagertzen doa, bere pipatik ateratzen den kea bezala.
Frantzia, 43 min
Zuzendaria: Hugo Clouzeau
ESTATU MAILAKO ESTREINALDIA
Urrezko Pioleta irabazi duen Hélias Millerioux alpinistaren erretratua, zatika kontatua. Bere zaletasuna mendi garaienetatik harago doa: kanpaleku nagusiko eguneroko bizitza lasai eta xumeari han goian egoteari bezainbesteko garrantzia ematen dio. Bideokamera eskuan, Héliasek bere mundua gertutasunez eta zintzotasunez agertzen du, espirituz irmo, baina norabide berrietara irekia dagoela erakutsiz.
Mexiko, 23 min
Zuzendaria: Irving Serrano & Victor Rejon
ESTATU MAILAKO ESTREINALDIA
La Quebradako Clavadista edo jauzilarien (Mexiko) erritualaren esplorazio bat. Bertako protagonistek 35 metroko altueratik itsasora jauzi egiten dute. Haiek beraiek errezitatutako poema batek gidatuta, fedeari, bizitzari eta heriotzari buruzko hausnarketa da hau.
Frantzia, 35 min
Zuzendaria: Bertrand Delapierre
ESTATU MAILAKO ESTREINALDIA
Louna eta Tristan Ladevant izotz-eskaladako txapeldunek eta Mathieu Maynadier alpinista entzutetsuak hirukote ezohiko bezain dibertigarria osatzen dute. Haien asmoen artean, erronka ausart bat: Grandes Jorasseseko ipar aurpegiko bide zailenetako bat, ‘Directe de l’Amitié’, eskalada librean egitea. Duela berrogeita hamar urte eskalatu zuen lehen aldiz ohiko moldeetatik kanpo zebilen alpinista talde batek. Belaunaldiz belaunaldi, muturreko alpinismoa alai eta espiritu jostariz bizi daitekeela pentsatzen dute hiruek, eta horrek batzen ditu.
Txina, 25 min
Zuzendaria: Marina Garcia Andreu
NAZIOARTEKO ESTREINALDIA
Aitona bat eta haren familia mendiaren zaindari gisa bizi dira Yunnaneko herrixka galdu batean, Tibet atarian. Bizimodu lurtarraren eta espiritualtasunean oinarritutakoaren arteko oreka bilatzea da haien egunerokoa. Eguneroko keinu txikien bidez, naturarekiko begirune sakon bat agertzen da; natura ez da jabetza edo baliabide bat, norbere existentziaren parte baizik. Dokumentala tradizioari eusten dion mundu baten erretratua da, baina baita galdera ikurrez betetako etorkizun bati begiratzen diona ere; izan ere, belaunaldien arteko desberdintasunak gero eta agerikoagoak dira.
Frantzia, 7 min
Zuzendaria: Yannick Boissennot
ESTATU MAILAKO ESTREINALDIA
Goizaldeko lehen argi lausotik ilunabarreko distira itzaltzera arte, Pierre Hourticq ek eguzkiaren ibilbidea jarraitzen du mendietan zehar eskiatuz. Paisaia uneoro eraldatzen da: lerro berriak agertzen dira, eta mendiak bere forma berridazten du. Ordu urdina, ordu horia, eguerdiko gailurra eta itzalaren itzulera bidaia bakar baten kapitulu gisa zabaltzen dira. Hau argiari eskainitako oda da: mendien forma moldatzen duen elementua, ibilbide bakoitza gidatzen duena eta une baten edertasun iragankorra agerian uzten duena.
Frantzia, 40 min
Zuzendaria: Enzo Besson
ESTATU MAILAKO ESTREINALDIA
Marion Salmon Thomas Frantziako selekzioko izotz eskaladako kirolaria da. Bere ibilbidearen gailurrean, kirolean oso gutxitan hartzen den erabaki bat hartu du: ama izatea, bere anbizioei uko egin gabe, ziur baitago amatasuna eta errendimendua bateragarriak direla. Bere gorputza etengabe eraldatzen den lurralde bihurtzen da, abortuak, haurdunaldia, erditze zaila eta berreskurapen fisikoa tarteko. Semea jaio eta zortzi hilabetera, bere ametsa beteko du Munduko Kopan lehen garaipena lortuz.
Alemania , Espainia , Frantzia , Pakistan, 50 min
Zuzendaria: Tom Dauer
ESTATU MAILAKO ESTREINALDIA
2013-2014ko neguan saiatu zen David Göttler Nanga Parbateko Rupal horma eskalatzen, munduko altuena. Zortzimilako batera neguan egiten zuen lehen espediziora Simone Moro alpinista beterano eta eskarmentudunak gonbidatu zuen. Soka finkoak eta goi-kanpalekuak erabiltzea zen estrategia, baina saialdi batean, David bakarrik abiatu eta 7.200 metroko altuerara iritsi zen. “Horrek begiak ireki zizkidan: dena modu errazagoan, azkarragoan eta eraginkorragoan egin daiteke estilo alpetarrean”. Igoera-estilo tradizionalarekin haustea izan zen bere bide propioari ekiteko eman zuen lehen urratsa.
Suitza, 19 min
Zuzendaria: Mathieu Achermann
EUSKADI MAILAKO ESTREINALDIA
Hiru eskalatzaile desgaitu eta haien eguneroko bizitzako pasarteak, non ohiko keinu arruntak kirol praktikak eskatzen duen zehaztasun isilarekin uztartzen diren. Batengandik bestearengana modu arin eta etengabean pasaz, eta hierarkiarik gabe, filma hau hainbat egilek idatzitako liburu bakar bat bailitzan zabaltzen da.
Kenia, 12 min
Zuzendaria: Joel Badia
EUSKADI MAILAKO ESTREINALDIA
Joyce Njeruren erretratu intimoa, mugimenduaren bidez bere burua ulertzeko, hazteko eta bere bidea eraikitzen jarraitzeko modu bat aurkitu duen mendi lasterkaria. Filmak Joyce gertutik ezagutzeko parada ematen du, ez soilik goi mailako korrikalari gisa, baizik eta bere kulturak, determinazioak, diziplinak eta lurrarekin duen lotura estuak eratutako pertsona gisa.
Ameriketako Estatu Batuak, 26 min
Zuzendaria: Dani Reyes-Acosta
ESTATU MAILAKO ESTREINALDIA
Hiru emakumek Ipar Amerikako mendikateetan zehar egindako bidaia emozional bat, gailurren perfekzioa bilatzen duena. Bata zientzialaria da, bestea zinemagilea eta hirugarrena eragile disruptiboa. British Columbiako mendialde sakonetatik Tetons erraldoietaraino bidaiatuz, istorio pertsonal eta nahasiak partekatuko dituzte. Mundua behera datorrela ematen duen honetan, irmotasunari, poztasunari eta elkartasunari buruzko lezio gogor baina baliotsuak agerian jarriko dituzte.
Espainia, 10 min
Zuzendaria: Laura Vinyals
EUSKADI MAILAKO ESTREINALDIA
Pirinioetako gailurrik garaienetan, ia ikusezina izanik ere mendien etorkizuna baldintzatzen duen elementu bat dago harkaitzen, glaziarren eta oinezko bideen azpian: permafrost-a. Katalunia, Frantzia eta Andorrako mugaz gaindiko talde zientifiko batek, Pirinioetako lur izoztua klima aldaketaren eraginez nola eraldatzen ari den ikertu du mendigune ezagunetan: Besiberri, Pessons zirkua, Vignemale, Pica d’Estats eta Maladeta.
Frantzia, 54 min
Zuzendaria: Alexandre Lopez
EUSKADI MAILAKO ESTREINALDIA
Papua Ginea Berriko Nakanaï mendien barrunbe sakonetan, aztertu gabeko lurpeko mundu batera sartzen da espeleologia talde bat. Paisaia karstiko ikusgarri hau hobeto ulertu eta babestu nahian, tamaina ikaragarriak dituen lurpeko ibai misteriotsu baten bila dabiltza.
Ameriketako Estatu Batuak, 49 min
Zuzendaria: Philip Forsey
ESTATU MAILAKO ESTREINALDIA
Munduko eski-alpinistarik nabarmenenetako bik, Christina Lustenbergerrek eta Guillaume Pierrelek, Kanadako Mendi Harritsuetako tontorrik garaiena eta ikaragarriena izan zuten helburu 2025eko otsailean: Mount Robson. Haren Hego isurialdeko korridore handia eskietan jaisten lehenak izan ziren. Balentria haren filma, Guillaume 'Gee' Pierreli eginiko omenaldia bihurtu da orain: 2026ko ekainaren 24an hil zen, Pakistango K6 mendia igo eta eskiatzeko saiakeran.
Kanada, 18 min
Zuzendaria: Ching Yu
ESTATU MAILAKO ESTREINALDIA
Lau emakume zientzialari, Alison Criscitiello, Jocelyn Hirose, Isobel Phoebus eta Chimira Andres, Kanadan. Zientzia egitearen, irakastearen eta bizitzearen esanahia irauliko dute haien bizipen eta istorioen bidez. Paisaia fisiko eta emozionalen bidez elkarlotzen diren istorioak: laborategiko burrunba eta glaziarren isiltasuna, urruneko izotz jauziak eta dantzari baten pausoen erritmoa edota basoan olgetan dabiltzan umeen barrea.
Kanada , Ameriketako Estatu Batuak, 51 min
Zuzendaria: Drew Smith, Ben Knight
ESTATU MAILAKO ESTREINALDIA
Eskalada denboraldi bat Alaskan, Wyomingen eta Nepalen, Michael Gardner eta lagun zahar Sam Hennesseyrekin. Zinegile izateko gogo handirik eta lotsarik gabe kamerak martxan mantentzen dituzte eta haien bizitzeko modu berezia, ausarta, eta ez-konformista ezagutzeko aukera izango dugu. Gardner 2024an hil zen Sam eta biak Jannu East igotzen saiatzen ari zirela. Lagunek filma amaitzea erabaki zuten, Gardnerrek irudikatu zuen bezala. “Ez da eskalada filma izango,” zioen beti. Agian komedia erromantikoa ote da?
Erresuma Batua , Australia , Ameriketako Estatu Batuak, 128 min
Zuzendaria: Jennifer Peedom
Tenzing Norgayren istorio ezezaguna, Himalaiako eskalatzaile bikaina eta Edmund Hillary Zeelanda Berriko mendizalearekin batera, Everest gailurrera iristen lehena. Mendebaldeko eskalatzaileek Everest konkistatu beharreko mendi bezala ikusten duten bitartean, Tenzingek Chomolungma ama-jainkosa sakratutzat dauka. Jatorri, gizarte-maila eta lehian dauden asmoen arteko tentsioek markatuko dute igoera, mendiak berak dituen arriskuek bezainbeste. Baina, munduaren gailurrean, inperioak, klaseak eta handinahiak zentzua galtzen dute, eta elkarrekiko begirunea eta konfiantza gailentzen da bi pertsonen artean.
Kanada, 8 min
Zuzendaria: Evan Lindberg
ESTATU MAILAKO ESTREINALDIA
Glaziarren atzeraldiaren elegia operatikoa. Icefields Parkway delakoan, glaziarraren izpiritua loaldi amaigabetik esnatu da, eta azkar aldatzen ari den paisaia bati egingo dio aurre. Henry Purcellen opera barrokoaren ariekin girotuta, filmak Evan Lindberg baxu baritonoa eta Montrealgo hari lauko bat aurkezten ditu.
Bulgaria, 108 min
Zuzendaria: Deyan Bararev
ESTATU MAILAKO ESTREINALDIA
1984an, Burdin Hesiaren itzalpean, nazio batek jainkoei desafio egitea erabaki zuen: Bulgaria sozialistak bere eskalatzaile onenak bidali zituen Everest mendebaldeko ertz latzera. Bostek jo zuten gailurra, baina lau bakarrik itzuli ziren. Handik berrogei urtera, espedizio hartako unerik dramatikoenen inguruko egia argitara ateratzen da, zentsurarik gabe.
Ameriketako Estatu Batuak, 60 min
Zuzendaria: Peter Mortimer, Nick Rosen
Dean Potterrentzat muturreko eskalada ihesbide bat da. Errekorrak hausten dituen aldi berean, bere harreman pertsonalek planteatzen dizkioten erronkei ere aurre egin behar die.
Ameriketako Estatu Batuak, 58 min
Zuzendaria: Peter Mortimer, Nick Rosen
Dean Potter bere barneko deabruekin borrokan eta balentriak muga-mugaraino eramaten ari den bitartean, arreta piztu duen eskalatzaile gazte batek mehatxuan jartzen du haren nagusitasuna: Alex Honnold du izena.
Ameriketako Estatu Batuak, 55 min
Zuzendaria: Peter Mortimer, Nick Rosen
Alex Honnoldekin duen lehia gero eta biziagoa den heinean, Dean Potteren egoera mentala okertzen doa, eta gertuko pertsonengandik urruntzen hasten da.
Ameriketako Estatu Batuak, 61 min
Zuzendaria: Peter Mortimer, Nick Rosen
Egonkortasuna ematen dion harreman berri bati esker, Dean Potterrek oreka berri bat aurkituko du, eta wingsuit edo hegal-jantziaren munduan murgiltzen da.
Alemania , Kanada, 30 min
Zuzendaria: Alexi Liotti
ESTATU MAILAKO ESTREINALDIA
Matt Gunnek 2005ean argitaratutako 'Scrambles in Southwest British Columbia' gidak, mendizale belaunaldi oso bati British Columbiako Sea-to-Sky korridoreko mendiak ezagutzen lagundu izan dio. Ia hogei urte pasata, edizio berritua prestatzeko bere lanaren oinarri diren eremuetara itzuli da, aspaldiko igoerak berrikusiz, bide berriak irekiz eta bere lanak izandako eraginari buruz hausnartuz. Kezka bat du, ordea: zer erantzukizun dakar jendea paraje eder, urrun eta arriskutsuetan barneratzera gonbidatu dezakeen informazioa argitaratzeak?
Ameriketako Estatu Batuak, 63 min
Zuzendaria: Todd Jones
ESTATU MAILAKO ESTREINALDIA
1937an, Bradford Washburnek Mount Lucania igo zuen, Yukonen, Kanadan. Baina Walsh glaziarrean utzi behar izan zuen bere ekipamendu ordezkaezina, tartean bere aire kamerarik preziatuena. Galera hark betiko utzi zion arantza. Zortzi hamarkada geroago, ordea, Griffin Post eskiatzailea eta Dora Medrzycka glaziologoa buru dituen talde bat Yukongo izotz aldakorretara itzuliko da Washburnek urte luzez eutsi zion galderaren erantzun bila: ekipamendu hura oraindik han egongo ote da?
Espainia, 20 min
Zuzendaria: Prunelle Mathet, Ben Suliteanu
EUSKADI MAILAKO ESTREINALDIA
Pirinioak, Suediako iparraldea edota Kaliforniako Sierra Nevada bezalako mendigune liluragarrietan korrika egiteko bideak eraiki eta mantentzen dituzten pertsona eta elkarte konprometituak dira Xavi Laporta, Emmie Collinge eta Truckee Trails fundazioa. Kilian Jornet Fundazioaren laguntza dute, eta haien lanari esker, korrikalariek naturaz modu seguruan gozatu dezakete, eta aldi berean balio handiko ekosistemak eta fauna basatia babesten laguntzen dute, guztion aztarnek bide beretik jarrai dezatela bermatuz.
Norvegia, 120 min
Zuzendaria: Christopher Carvasal
Eskaladaren historiako lorpen handienetako batean inspiratuta, Robert Caspersen eskalatzaile norvegiar ospetsuak eta haren taldeak Karakorumera espedizio bat abiatuko dute Trango Dorrearen munduko harkaitz-horma garaienetako baten, Trango Pulpit hormaren, gailurrera iristen lehenak izateko ametsarekin. Hamabost urte lehenago, 1984ko Norvegiako espedizioak mugarri bat ezarri zuen, baina alde iluna ere izan zuen, eskalatzaileen komunitate osoan arrasto sakona utziko zuena.
Belgika, 58 min
Zuzendaria: Paul Lavoine
EUSKADI MAILAKO ESTREINALDIA
Jean de Biolley belgikar parapente pilotua bere kirol-ametsa betetzeko ahaleginean: Red Bull X-Alps lasterketan parte hartzea. Alpe mendikate osoa zeharkatzea da erronka, 1.200 kilometrotik gorako ibilbidea, norbere sasoiaz baliatu eta parapentearen laguntzaz soilik, eta guztia 12 egun baino gutxiagoan. Muturreko erronka honek fisikoki eta mentalki muga-mugaraino eramaten du Jean.
Frantzia, 66 min
Zuzendaria: Laurence Fleury
EUSKADI MAILAKO ESTREINALDIA
Pirinioetako alpinismoaren figura ukaezina, Patrice de Bellefon hirurogeiko hamarkadan nabarmendu zen bere balentriak, bere irtenaldi zoroak eta Les 100 plus belles courses dans les Pyrénées liburu ospetsua zirela medio. Gaztaroan bizi izan zuen alpinismo praktika konkistatzaile hari uko egin gabe, urteek aurrera egin ahala gero eta arreta handiagoa jarri zuen Pirinioetako biztanle eta haranetan. 87 urterekin oraindik idazten, argitaratzen, margotzen, haserretzen eta gailurrak zeharkatzen jarraitzen du, bizitzeko grinak erabat bultzaturik.
Espainia, 50 min
Zuzendaria: Marc Toralles, Bru Busom, Rubén Sannmartín
EUSKADI MAILAKO ESTREINALDIA
Soka finkorik gabe. Kanpoko laguntzarik gabe. Eta atzera egiteko aukerarik gabe. Dokumental honek Marc Toralles, Bru Busom eta Rubén Sanmartínek Yerupajá mendian, Peruko Huayhuash mendikateko tontor deigarrian, egindako lehen zeharkaldi integral ikusgarria kontatzen du. Ekialdeko horman 3.000 metroko bide berri bat zabalduz, alpinismo modernoaren balentria gogoangarrienetako bat erdietsi zuten; Urrezko Pioletaren aitortza jaso zuen lorpena.
Espainia, 59 min
Zuzendaria: Mikel Urriza Pascual
NAZIOARTEKO ESTREINALDIA
Herri baten, mendi baten eta bien artean urteetan ehundu den harremanaren kontakizuna. Duela 25 urte, Zegama eta Aizkorri lotzeko asmoz sortu zen lasterketa, baliabide xumeekin, herritarren ekimenetik eta auzolanean oinarrituta, gerora belaunaldiz belaunaldi transmititu den egiteko modu bat. Urteak pasa ahala, munduko mendi-lasterketarik ezagunenetako bat bihurtu da. Hazkundeak, ordea, galdera bat dakar: ”Noraino?” Nola jarraitu mundu mailako erreferente izaten, herriaren, mendiaren eta auzolanaren izaera galdu gabe?
